بسم الله الرحماان الرحيم
اما بعد النكت المغربية فلنبدأ
هذا واحد سراق الزيت (صرصور) طاح ف مولينيكس ملي خرج قال الله ينعل اللي باقي يمشي ل لافوار .
هادو جوج كلاب كايهضرو الأول قال:هو, الثاني قال : هو, فقال الأول: هوهو, فقال له الثاني: بلا ما تبدل الموضوع أصاحبي
معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو... الدري مكسل.. شاف فدجاج وقال يللاه للي فيها 2 كيلو تنوض.
هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل،جاوبوالكليان : يمكن مات ليك شي واحد منهم .
هدا واحد خاينا مشا معا صاحبتو لسينيما هو يقول ليها اش بغيتي زريعا ولا شي حاجة باردة هي تقوليه بجوج هو يجيب ليها دلاحة .
هذي واحد البقرة كانت تاتقصي فالربيع فمدينة كتامة واحد شويا نسات راسها هي تقصي الكيف ،، شوية هزات راسها هي تقول .باااااااع أعوذ بالله من الشيطان الرجيم موووووووووووه .
واحد قال لمو بغيت تزوج بوحدة بيضاء وطويلة وخدامة.. قالت خد لك حسن ثلاجة .
هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك.
قال ليك هادا واحد الاستاد رسم للتلاميد ضفدعة وقال ليهوم اش هادي وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة.
داب هادو شي شبعانين و مساليين مشاو لواحد القنت وجمعوا كاع الكدابة باش يشوفو شكون الواعر فالكدوب سولو الاول قال ليهم انا واحد النهار حليت التلاجة ولقيت الاسكيمو كايتساراو فيها وسولو التاني وقال ليهم انا كنت ماشي واحد النهار ولقيت الملك فالزنقة وديتو يتغدى معايا وفالتالي قتلتو ورجعت ملك.
قال ليك هذا وحد الاستاذ قال لتلاميذ ديالو : لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قليه شنهيا الحشرة لي عندها 9999999 رجل؟؟؟) بدا كيفكر اهوا يقول ليه معرفتش هاك 100درهم , قول ليا انت شناهيا ?? اوهوا يجاوب الكسول : تاانا معرفتش هاك 50درهم.
قالك بخيل نجح ولدوا شرا ليه بالون قال ليه الا نجحتي لعام جاي نفخها ليك.
واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة.
واحد مشا سكران لدارهم... مراتو لاحت ليه ساروت.. تلف على الثقبة ديال الباب... غوت عليها قال ليها لحتي الساروت ولوحي الثقبة.
واحد حول متزوج بوحدا بحالو... قال ليها مني تشوفيني جاي بوحدي ماتحطي والو غير تشوحي معايا راجل حطي طعام... مراتو شافتو من بعد جاي بانو ليها 2 حيت حولة... حطات طعام... دخل بدا ياكل معاها واحد لوقت قال ليها بشوية كون ماكنتي بوحدك كون سلخت يماك .
جوج بخلاء مسافرين فالكار.. واحد منعسش قال ليه صاحبو مالك منعستي.. قال ليه واحد سلفتو 10 دراهم مجاني نعاس... قال ليه هاك 10 دراهم باش تقدر تنعس..من بعد ساعة فيقو قال ليه ايوا رد ليا دابا 10 دراهم باش نعس تانا.
لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش.
الاستاد لدري اش كتحلم دير... الدري: كنحلم نشد 10000 درهم فالشهر بحال الوالد ... الاستاد :علاش باك كايشدهم... الدري: لا تاهوا غير كايحلم.
معلم طلب انتقال صفطوه لبير جديد... من بعد 5 سنين صيفطون لبير انزران.. من بعد صيفطوه لبير اللفت.. طلع ليه الدم كتب لوزير قال ليه واش انا معلم اولا سطل.
جحش كبر مشا كيجري عند مو قال ليها ماما وليت حمار.. قالت ليه
مالك كنتي مهندس.
واحد طلع لطوبيس شرا جوج ورقات.. قال ليه للي كيقطع علاش شريتي جوج... قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس.
هادو 3 ديال الناس.امريكي.فرنساوي.مغربي ..وقفوهوم حدا واحد البحر قالو ليهم كل واحد فيكم بغيناه يتخبل لينا هاد البحر عامر بشي حاجة من غير الماء .. الامريكي: لو كان هاد البحر كلو بترول-نفط- متنظنش اننا مزال غادي نحتاجو للنفط ديال الخليج وايران .الفرنساوي: لو كان هاد البحر كلو فلوس متنظنش غيبقا شي فقير فهاد العالم .المغربي: لو كان هاد البحر كلو بيصارة شحال غاتقدو من خبزة .
هذا واحد لعزي وعزية ولدو بيض سماوه مايمكنش.
واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية.
ربعة ديال جبالا غاديين خرجو ليهم 2 شفارا... جبلي قال لصحابو ناري هيقتلونا.. قالو ليه علاش.. قال ليهم هما جوج وحنا بوحدنا.
واحدا قالت لراجلها نصوب لك مصمن ولا بعرير.. قال ليها صوبي فمك هوا الاول.
واحد بنادم "فشي شكل" بغا يتوب دار لحجاب.
واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا.
قواس كاتفرج فماتش . مشا يشرب تسجل هدف بلا مايشوفو مني دارو الاعادة ماتماركاش.
قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا.
عروبي شرا بورطابل.. دارو فجيبو.. واحد الوقت بدا يفيبري... لاحو.. قال ولد الحرام باعو ليا حي ...
هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير.
واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش.
هادو 2 دراري تعطلو على المدرسة ,و قال ليهم المعلم : علاش تعطلتو ؟ قال ليه واحد راه طاحت ليا 10 دراهم , و هو يقول ل تاني: و نتا مالك قال ليه: راه كنت داير رجلي عليها .
