1- واحد سبيطار الحماق جابو ليهم سطولا ديال الصباغة كل واحد أش دار بيه كاين لي شربو كاين لي خواه
كاين لي.... إلا واحد طلع في السلوم وجلس كايصبغ في الحيط و هو يقول الطبيب واقيلة هذا رجاع ليه
عقلو و هو يمشي بغا يسولو قاليه : واش باقي خدام بهاد السلوم و هو يقوليه المسطي لا غير خودو
راني شاد فالشيتة .
2- واحد الرباعة (مجموعة) ديال الحماق جابو ليهم كل واحد طوموبيل خاسرة كل واحد أش دار بيها
كاين لي ركب فيها كاين لي فصلها كاين لي هرسها... واحد تخشا تحتها و جلس يخندش و هو يشوفو الطبيب
قال هاد خاينة واقيلة رجع ليه عقلو و هو يمشي عندو قاليه : أش كادير تحت الطوموبيل ؟ و هو يقوليه
المسطي رني كانقلب فيها واش نثى و لا ذكر.
3- واحد المسطي فسبيطار الحماق طلع فوق واحد الحيط و جلس يبول شويا و هو يبغي واحد المسطي آخر يدوز
من تحت الحيط و هو يشوفو المسطي الأول و هو يحبس البولة ... و هو يشوفو الطبيب و هو يتعجب فيه وقال
خاصني نمشي نسولو علاش حبس البولة ملي كان دايز لاخر و هو يمشي عندو قاليه علاش حبستي البولة
ملي داز صاحبك و هو يقوليه المسطي آآآآآآآآه بغيتي يشدني من البولة و يطايحني .
4- واحد سبيطار الحماق رسمو ليهم باب فالحيط و قالو ليهم لي قدر يحل هاد الباب نخاليوه يمشي فحالو
و هما يبداو الحماق باغين يحلو الباب إلا واحد رجع الور و بد كايضحك عليهم و هو يجي عندو الطبيب قاليه
لاش كاضحك ؟ و هو يقوليه هههه راني مخبي الساروت ديال الباب
5- واحد ثلاثة ديال المسطين بغاو يهربو من السبيطار و هما يسولو الشاف الديالهم كيفاش غادين
نديرو حتا نهربو وهو يقولهم : غادين نقتلو العساس و نحلو الباب و نهربو ... وصل الليل
وهما يمشيو حدا الباب و هما يلقاو الباب محلول و العساس مكاينش و هو يقولهم الشاف :
دراري الخطة فشلات .
0 ?????????